Categories
Entertainment Love

What is Love Hindi Story | Hindi Short Stories | Hindi Kahaniya

What is Love Hindi Story, Hindi Short Stories, Hindi Kahaniya Short Hindi Stories, Love Stories in Hindi, prem kahaniya, hindi kahaniyakhidaki ke baahar garmi ki raat bikhari hui hai, garmi ki gunaguni-si raat. khidaki se satakar lagi hui raataraani ki jhaadi ke phulon ki maadak gandh khidaki ke parade se athakheliyaan kar rahi hava ke saath kamare mein aa rahi hai. khidaki ke chhajje par ladi hui rangun kripar ki talar bhi laal, saphed aur gulaabi guchchhon ke kaaran jhuki ja rahi hai.

khidaki ke paar dur aasamaan mein aadha adhura chaand tanka hua hai. grishm ki dhup ko din bhar sahan karane ke baad jhulase pedon ki pattiyon aur shaakhaon ko raat ki thandi hava sahala rahi hai. hava ka sparsh paakar pattiyaan krtagyataavash jhuki ja rahi hain. garmi ke mausam ki sabase badi visheshata usaki raat hoti hai. jitana tapata hua, jalata hua din utani hi suhaani raat.

khidaki se hatakar sonu andar aa gaya aur apani kavita ki daayari lekar kursi par baith gaya. ladaka abhi bhi usi prakaar so raha hai. sonu gaur se us ladake ke chehare ko dekhane laga. chaudah-pandrah varsh ki maasumiyat se bhara hua chehara, jis par javaani ne hothon ke upar kalle ki tarah phut rahe munchhon ke baariq-baariq rom ke rup mein abhi dastak dena praarambh hi kiya hai. gulaabi honth jinako bimaari ne bhale hi sukha diya hai magar abhi bhi unamen taajagi hai. bimaari ke baad bhi chehare par kishoraavastha ki chamak aur snigdhata bikhari hai.

sonu ko yahaan ladake ki dekhabhaal ke lie rakha gaya hai. vaise vo ek niji aspataal ka karmachaari hai jisake maalik ladake ke pita ke karibi dost hain unake hi kaaran sonu ko yahaan bheja gaya hai. ladake ko dava dena use palang se uthaakar tahalaana, khaana khilaana sabaki vyavastha sonu ko karani hoti hai. ladake ki maan nahin hai keval pita hi hain, jinako kaarobaar ke silasile mein ghar se baahar rahana padata hai. isase jyaada na sonu ko pata hai, na hi usako puchhane ki ijaajat hai. use bas ye pata hai ki yahaan se use achchha paisa milega jo kolej ki pariksha phis bharane mein kaam aa jaega. yahaan par jab tak hai tab tak kavita likhane ka bhi samay hai usake paas.

aspataal ki naukari vah keval apani kolej ki padhai ka kharch uthaane ke lie hi kar raha hai, magar aspataal mein kaam karate samay kavita? socha hi nahin ja sakata.

sonu bhaiyya! ladake ki aavaaj sunakar sonu ki tandra tuti.

haan bolo. sonu ne kursi se uthakar palang ki taraph jaate hue kaha. paani chaahie sonu bhaiya.

ladake ne uttar diya. deta hun tum lete raho. phir ghadi dekhate hue kaha, dava lene ka taim bhi to ho gaya hai. kahate hue sonu dava nikaalane laga.

chalo uthakar baith jao dava lena hai. sonu ke kahate hi ladaka dhire-dhire utha aur takiye se tikakar baith gaya. dava dene ke baad jab sonu vaapas kursi par baithane laga to ladake ne kaha, sonu bhaiya yahin baith jao na palang par, aapase baaten karunga, ab nind to aaegi nahin.

ladake ke anurodh par sonu vahin baith gaya. palang ke paas rakhi tebal par se kanghi utha kar ladake ke baal thik karane laga. garmi ki mast hava ke kaaran ladake ke baal bikhar-bikhar ja rahe hain. shaam ko nahaate samay ladake ne jid karake shaimpu lagaaya tha aur der tak nahaata raha tha.

sonu bhaiya. ladake ke sir par gir rahi ek lat ko jab vo pichhe kar raha tha tab ladake ne kaha, hun… kanghi ko tebal par rakhate hue kaha sonu ne. kuchh der tak ladaka chup raha phir bola, ye prem kya hota hai..? ladake ke prashn se sonu kuchh chaunka phir muskaraata hua bola, prem…? abhi tin chaar saal ruk jao, sab pata chal jaega.

kahate hue usane ladake ke baalon ko halke se bikhara diya.

 

tin chaar saal ruk paunga main…?

ladake ne udaasi se puchha. ladake ke puchhate hi kamare ki hava ruk gai.

kya hota hai prem sonu bhaiyya…!? sonu ko chup dekhakar ladake ne phir puchha.

prem vah hota hai jo hamen kisi dusare se jodata hai. sonu ne kuchh taalane vaale andaaj mein kaha.

kisase? ladake ne phir puchha.

kisi se bhi, un sabase jo hamen achchhe lagate hain, hamaare maan-baap, hamaare bhai-bahan, hamaare dost. sonu ne javaab diya.

maan to mere paas nahin hai paapa hain par vo bhi… bhai bahan bhi nahin hain.

kahate-kahate ladaka phir chup ho gaya. ladake ki aankhen achaanak nam ho gai thin. sonu ko laga usaki palakon ke kinaare jhilamila bhi rahe hain.

kaun khaas sonu bhaiya? usane utsukata se puchha.

ye jo baahar chaand najar aa raha hai na, aadha adhura-sa chaand, isako dekhakar na to raat ki raani ke phul jhum rahe hain na pedon ki pattiyaan ithala rahi hain. kyonki ye sab ek khaas chaand se prem karate hain. purnamaasi ke pure chaand se. abhi do din baad jab ye chaand pura ho jaega tab se sab us khaas ke prem mein paagal ho jaenge.

sonu ne uttar diya.

sachamuch? ladake ne utsukata se phir puchha.

haan bilkul dikhaunga. sonu ne ‍uttar diya.

ladaka gaur se khidaki ke paar ke chaand ko dekhane laga. usake chehare ke bhaav pal-pal badal rahe the. kuchh der tak dekhate rahane ke baad ladaka phir udaas ho gaya.

tumhen mila koi khaas? sonu ne ladake ka mud badalane ke lie phir puchha.

ladake ne sonu ki taraph dekha. sonu ne dekha un do nanhi aankhon mein sitaare jhilamila rahe the. phir achaanak vo sharama gaya aur chaadar ke dhaage khinchane laga.hun… matalab mili hai. sonu ne majaak ke andaaj mein puchha.

hai nahin thi… ladake ne usi tarah jhuke hue kaha par usaki aavaaj dubi hui thi.

kab? sonu ne puchha.

jab main skul jaata tha. ladake ke svar mein udaasi thi. usaki aavaaj aisi thi maano kisi sunasaan raat mein pahaad par lage pedon par barph gir rahi ho.

kaun thi..? sonu ne phir puchha. mere saath hi padhati thi aur mere saath vahi hota tha jo abhi aapane kaha na ki purnamaasi ke chaand ko dekhakar pedon ko ho jaata hai. ladake ne dhire se kaha.

hun… khub baat-vaat hoti hongi tab to usase. sonu ne sharaarat ke lahaze mein puchha.

nahin, baat to ek baar bhi nahin hui. ladake ne sir uthaakar uttar diya.

are..! kyon? sonu ne puchha.

himmat nahin hoti thi aur vo bhi shaayad baat karana nahin chaahati thi. ladake ki aankhen bujh gai thin. chalo ab jab skul jaana shuru karo to sabase pahale usase jaakar baat karana aur nahin kar pao to mujhe le chalana main tumhaari taraph se baat kar lunga. sonu ne ladake ke sir par haath rakhate hue kaha.

kyon majaak karate ho sonu bhaiyya, ab kahaan ja paunga main skul? ab to shaayad mammi ke paas chala jaunga. kahate hue ladake ne sir par rakha sonu ka haath lekar god mein rakh liya aur donon haathon mein daba liya. sonu ne dusare haath se ladake ki aankhon mein aai nami ko apani anguliyon mein sametate hue kaha. ladake ne koi uttar nahin diya usi tarah leta raha. sonu usake baalon ko sahalaata raha. kuchh der baad jab usako laga ki ladaka so gaya hai to usane aahista se ladake ka sir apani god se uthaakar takiye par rakha use chaadar odhai aur aakar apane palang par let gaya.

agale din se ladake ki tabiyat bigadane lag gai thi. tej bukhaar mein badabadaata rahata tha. sonu ne suna ki usaki badabadaahat mein baar-baar mammi shabd aa raha hai. narsing hom se kai baar doktar aakar ladake ko dekhakar ja chuke the.

bukhaar ke tisare din jab doktar sinha ladake ko dekhakar vaapas ja rahe the tab sonu ne puchha tha, koi darane ki baat to nahin hai na sar. darane ki baat to hai, ab ise aspataal mein shipht karana hi padega, ye rikavar ho hi nahin pa raha hai. isake pita kab tak aa jaenge? doktar sinha ne kaha tha. bas shaayad parason tak aa jaenge, sarvent bata raha tha ki unaka phon aaya tha. sonu ne uttar diya.

thik hai unake aate hi ise shiph‍ta kar denge, tab tak dhyaan rakhana kuchh bhi ho to turant khabar karana. kahate hue doktar sinha chale gae. sonu aakar ladake ke sirahaane baith gaya aur dhire-dhire usaka sir dabaane laga. kuchh der baad ladaka kasamasaaya aur usane aankhen khol din. sonu ko dekha to muskara diya.

uth gae, chalo achchha kiya, shaam bhi ho gai hai. sonu ne kaha.

ladaka kuchh der tak sonu ko dekhata raha phir bola, sonu bhaiya kya ab main usako kabhi nahin dekh paunga?

kyon nahin dekh paoge? mujhe usaka pata, teliphon nambar do abhi bula leta hun. sonu ne uttar diya.

vo to mujhe kuchh bhi nahin pata. ladake ne udaasi ke saath kaha. chalo main kal skul jaakar pata kar lunga aur usako bula launga. sonu ne ladake ka utsaah badhaane ke lie kaha. ladaka phir achaanak bola, sonu bhaiya aaj purnima hai na? aaj aapane kuchh dikhaane ko kaha tha.

haan bhai dikha dunga raat to hone do.

sonu bhaiya main apani mammi ko bhi dekhana chaahata tha par nahin dekh paaya, ye sab mere saath hi.. kahate-kahate ladaka chup ho gaya.

chalo aaj dikha dunga jab chaand pura hoga na tab usamen tumako apani mammi bhi dikhengi aur vo bhi. vo sab dikhenge, jinako tum prem karate ho. sonu ne kaha.sach…. ladake ne utsaah mein bharakar kaha.

bilkul sach! sonu ne uttar diya.

par main unako chhu to nahin paunga na? ladaka phir udaas ho gaya.

kyon nahin chhu paoge? jab chaand ko dekho to meri is hatheli ko chhu lena tumako aisa lagega ki tum un sabako chhu rahe ho jinako tum prem karate ho. sonu ne apani hatheli dikhaate hue kaha.

thik hai. ladaka phir utsaah mein bhar gaya.par dekho jab chaand mein tumhaari vo khaas najar aae to use dekhakar sharama mat jaana.

sonu ne ladake ki kamar mein gudagudi karate hue kaha ladaka khilakhila utha.

raat ko ladaka sonu ne god mein uthaakar khidaki par baitha diya tha kyonki tab usake chalane-phirane ki taakat bilkul kshin ho gai thi.

dekho vo pura pil chaand. amalataas ke do pedon ke upar dikh rahe chaand ki or ishaara karate hue sonu ne kaha. ladake ne sir utha kar chaand ko dekha.dekho usamen apani mammi ko. dikh rahi hain na? sonu ne puchha, ladake ne haan mein sir hilaaya.

thik hai ab aankhen band karake meri is hatheli ko chhuo. sonu ke kahate hi ladake ne vaisa hi kiya. thodi der baad ladake ne hatheli ko khinchakar apane chehare se sata liya. kuchh hi der mein sonu ki hatheli bhig gai.

sonu ne ladake ki aankhen ponchhin aur phir kaha, chalo ab phir dekho chaand ko, ab vo dikhegi. ladake ne phir chaand ko dekha.‍dikhi? sonu ne puchha. ladake ne phir haan mein sir hilaaya aur aankhen band kar lin aur sonu ki hatheli ko phir chehare se laga liya. abaki baar sonu ko hatheli par nami ki jagah aanch ka ehasaas