Categories
Entertainment Moral

Maut Ka Dar Hindi Story For Kids

Ek ped par do baaj rahate the donon mein bada prem tha donon shikaar ki talaash mein nikalate the aur jo bhi pakad laate use shaam ko mil baithakar khaate the.

kabhi kisi baaj ko kuchh nahin milata to bhi koi paravaah nahin karata aapas mein mil baant kar kha lete the.

bahut din se yahi kram chal raha tha. ek din donon shikaar pakad kar laute, ek ki chonch mein chuha tha aur dusare ki chonch mein saamp.

donon ki chonch mein shikaar tab tak jivit the. ped par pahunchakar donon baad baith gae unhonne pakad dhili ki. saamp ne chuhe ko dekha aur chuhe ne saamp ko dekha.

saamp chuhe ko dekh kar use apana bhojan samajhakar jibh lapalapaane laga aur chuha saamp ke prayatnon ko dekhakar harakat mein aa gaya. vah baaj ke paas chhupane ki koshish karane laga.

us drshy ko dekhakar ek baaj gambhir ho gaya dusare ne usase puchha, dost, kis chintan-manan mein dub gae ho.pahale baaj ne apane pakade hue saamp ki or sanket karate hue kaha yah kaisa murkh praani hai.

jibh ke svaad ke aage yah maut ko hi bhul baitha hai. dusare baaj ne apane shikaar, chuhe ki aalochana karate hue kaha aur is naasamajh ko dekho. bhay(dar) ise pratyaksh maut se bhi adhik daraavana lagata hai.

us ped ke niche ek musaaphir aaraam kar raha tha usane donon ki baaten suni aur ek lambi saans chhodate hue bola:-

ham log bhi to saamp aur chuhe ki tarah svaad aur bhay ko bada samajhate hain maut ko to ham bhi bhule rahate hain