Categories
Moral Short Stories

Laut Aao Na Hindi Love Story | Short Hindi Stories | Moral Stories in Hindi

Laut Aao Na Hindi Love StoryAaj duniya se aankhen kaise milaun. us duniya se jo tumako meri taakat ke rup mein jaanati thi aaj tumase badi kamajori meri koi nahin rah gai. bas is savaal ka javaab de do mujhe meri najaron mein tumhaari kadr aur bhi badh jaegi. kal tak log meri aur tumhaari baaten karate nahin thakate the aur jab bhi mainne unase baat ki har dusari baat mein tum hi shaamil rahin lekin achaanak aisa kya hua ki jis li‍li ki taraph main daudata-bhaagata har haal mein pahunch jaata tha aaj usase koson dur hota ja raha hun.

kal tak jin baanhon mein mainne apani zindagi gujaari, aaj unhin baanhon ne kisi aur ko apane bhitar samet liya. mera hamasaphar aaj aankhen pherakar bahut aage badh gaya. na jaane vah kahaan chala gaya? jise meri najar aaj tak har-jagah dhundh rahi hai. kaash.. aaj vah mere paas hota to meri har dagar gulistaan thi. vah in baanhon aur pyaar ki thandi chhaanv ko chhodakar bahut-bahut dur chala gaya hai.

kabhi to usaka meri najaron ke saamane hona mujhe sukun deta tha aaj kachot raha hai. aaj tum mujhase najaren chura rahi ho ya meri koi aisi khata hai jo tum meri taraph dekhana bhi nahin chaahatin. mujhe kam se kam meri is galati ka ahasaas kara do. main har saja ke lie taiyaar hun lekin aaj jo saja bhugat raha hun usake lie to meri antaraatma bhi gavaara nahin kar rahi ki bagair galati ke kaise main yah din gujaar raha hun.

tumhen hamaare usi pyaar ka vaasta jo mainne tumase kiya tha aur yadi mera bhram nahin to tumane bhi mujhase kiya tha. aur yadi vah bhram tha to isi baat ka yakin mujhe dila do.

itana majabur to lili mainne kabhi tumhen nahin paaya. phir aaj kyon? kya mere pyaar se tumhen itani bhi taakat nahin mili ki keval 10 minat ka samay nikaalakar yah sab baaten mujhe milakar ya phon par hi bata sako. lili is daastaan ka ant main keval tumhaare munh se sunana chaahata hun.

haalaanki main jaanata hun ki mujhe meri karani ki hi saja mili hai. lili jaisa ki tum jaanati ho mainne apani purv premika doli ko anajaane mein dhokha diya tha. yah mujhe usi ki saja mili hai ki main tumase mil nahin saka. shaayar ki vah panktiyaan yaad aa jaati hain mujhe

 

aaj kisi ne dil toda to hamako jaise yaad aaya

jisaka dil hamane toda tha vo jaane kaisa hoga.

 

jo galati mainne doli ke samaksh ki thi vah main doharaana nahin chaahata tha isalie mainne tumhen paane ke‍ lie apane ghar vaalon se bhi bagaavat ki. aur tumhaari bhi vah sabhi baaten maani joki tum chaahati thin. hamane kabhi bhaagakar shaadi karane ki nahin sochi. usake lie mainne tumhen apane maata-pita se milavaaya aur main khud tumhaare maata-pita se bhi mila aur apani shaadi ki baat ki thi.

mujhe shikaayat tumase to kabhi thi hi nahin aur yakin maano aaj bhi nahin main aaj bhi tumhen utana hi chaahata hun jitana ki kal. lekin mere pyaar ka bharam rakhane ke lie hi mujhe chand savaalon ke javaab jarur dena, meri galati jarur bataana. nahin to jindagi bhar is baat ka pachhataava mujhe rahega ki mainne aakhir kis galati ki saja bhugati.

ghatanaakram kuchh aisa hai ki jon aur lili donon ek-dusare ko lagabhag 4 varshon se jaanate the aur donon ke bich lagabhag 2 varshon se prem prasang chal raha tha. jon ne hi lili ko prapoj kiya tha jise lili ne dosti maanakar svikaar kar liya tha. dhire-dhire donon ki dosti pyaar mein badal gai. is rishte ki kadr karate hue donon shaadi ke lie sahamat ho gae. jon baakaayada jaakar lili ke maata-pita se mila aur lili ko bhi apane maata-pita se milavaaya. donon ke ghar vaalon se bhi unhen sahamati‍ mili. donon ki ek-dusare ke ghar mein ghanishthata bhi badh gai.

lekin isake thode hi dinon baad lili ne jon ki taraph dekhana bhi band kar diya. karib 3 mahine nikalane ke baad jon ne lili se is berukhi ke baare mein jaanana chaaha. lili pahale to taalati rahi aur spasht kuchh nahin boli. lekin jon ko apane doston se pata chala ki lili ki engejament kisi dusare shahar mein rahane vaale ladake se ho gai hai aur agale maah donon shaadi bhi karane vaale hain.

kal tak jin baanhon mein mainne apani zindagi gujaari, aaj unhin baanhon ne kisi aur ko apane bhitar samet liya. mera hamasaphar aaj aankhen pherakar bahut aage badh gaya. na jaane vah kahaan chala gaya? jise meri najar aaj tak har-jagah dhundh rahi hai.

jon ke to jaise pairon tale dharati hi khisak gai. maano aasamaan tut pada ho usake sir par. phir bhi thoda sanbhalate hue jab use vistaar se isake baare mein pata chala to samajh hi nahin pa raha tha ki ab kaise vah is sadame se ubare. haradam hansate-khilatekhilaate chehare ka svaami jon dipreshan mein chala gaya.

yog, aart oph living aadi kai chijon ki madad se jaise-taise apane aapako sanbhaalate hue apana aage ka jivan kaat raha hai. ji haan, jivan kaatana hi kahunga kyonki lili ke bina to usane kabhi is jivan ki kalpana hi nahin ki thi. jis bevaphai ke kisse ab tak usane kitaabon mein padhe aur philmon ki patakathaon ke rup mein rupahale parde par dekhe the aaj usake jivan ki vaastavikata ban gai thi. ek tute hue vyakti ki bhaanti ab us paatr ko vah ji raha tha, lili ki bevaphai ko sahate hue ya doli ki yaadon ke sahaare. jivan mein rishton ke samikaran kab, kahaan kaise badal jaate hain koi nahin jaanata. lekin yah hamaare haathon mein hota hai ki rishton ki buniyaad ko vishvaas ke jal se sinche taaki na doli ka dil tute na koi lili dil todane pae.

 

Leave a Reply