Bacchon Ka Khel | Hindi Moral Stories | Short Stories in Hindi

Baccho Ka Khel, Hindi Moral Stories, Short Hindi Stories, Love Stories in Hindi, prem kahaniya, hindi kahaniyaNaam – maanik asthaana, umr – lagabhag pachaas, pata – prem nagar, dilli. dekhie saahab baat yah hai ki aaj ki duniya mein sach sunane ka rivaaj nahin hai. sach sunane ko koi taiyaar nahin. sach lie ghumate rahiye, sunghana to dur raha aapaki taraph koi dekhega bhi nahin. sach mein jhuth ki milaavat kar dijie aur dekhie maja. thoda namak-mirch lagaakar baat kariye, sab sunenge aur aapaki taariph hogi. sachai ko sach tabhi samajhenge jab use kuchh badhaakar pesh kariye ya phir usamen se manachaahi chijen ghataakar.

khair yah to dusari baat hui. vaise yah dusari baat bhi usi baat se judi hui hai jisase mainne apani baat shuru ki thi. yaani sach ki sachai. dekhie ji, aaj badali chhai hui hai. thandi mand bayaar bah rahi hai, chhat par akela pada hun aur rediyo par vividh bhaarati se lataaji ki aavaaj mein jaane kyun log mohabbat kiya karate hain… dil ke badale… vaala gaana baj raha hai.

kisi padhe-likhe bande se jara puchhie ki bhai tumhaari najar mein duniya ka sach kya hai to vah baal mein ungali pherate hue kahega ki sach to yah hai ki ham sabhi ko ek na ek din marana hai. koi aur kahega ki yah duniya phaani hai, kshan-bhangur hai. usi baat ko koi aur sajjan ghuma phiraakar kahenge – sach to yah hai ki yahaan sab kuchh parivartanashil hai, asthaayi hai, temparari hai – yahaan tak ki hamaare dukh bhi. aap vaah-vaah kar uthenge aur sach ka naya-puraana nuskha lekar apane ghar ka rukh karenge.

ab jara meri sthiti par gaur pharamaen.

mere ilaake mein aaj kaisa mausam hai? badali chhai hai, thandi-thandi bayaar bah rahi hai. main kahaan hun? chhat par akele… phursat se vividh bhaarati sun raha hun – jaane kyon log mohabbat kiya karate hain… dil ke badale darde-dil liya karate hain. aise mein koi mujhase puchhe, achchha bataie aapaki najar mein duniya ka sach kya hai.

aap soch rahe honge main tapaak se kahunga – prem, mohabbat, ishk…. ji nahin, main bhi baat ko ghumaana jaanata hun. main kahunga duniya mein ek nahin, do sach hain aur vah hain aurat aur mard. shuddh hindi mein kahenge duniya mein do shaashvat saty hain – stri aur purush. aapaka munh khula ka khula rah gaya na! itana boring javaab, ghisa-pita sa.

agar main kahata premi-premika ya aashik-maashuk to yah javaab thoda philmi to lagata lekin stri-purush se behatar hota, visheshakar meri sthiti ko dhyaan mein rakhate hue ki main kahaan hun, kya kar raha hun aur meri taraph mausam kaisa hai.

bhaiyon, yah duniya ek bhulabhulaiya hai donon isi mein chakkar kaatate rahate hain. lekin ham bhulate kuchh nahin. bhul jaane ka bhram paalate rahate hain ya usaka naatak karate rahate hain. main jara dimaag par jor deta hun to ek-ek karake ve saari ladakiyaan-striyaan yaad aane lagati hain jo mujhe milin aur achchhi lagin. aapako taajjub hoga ki jab main bahut chhota tha – saat ya aath saal ka. aur do ya tin mein padhata tha to sharmila naam ki ek hamumr ladaki mujhe bahut achchhi lagati thi.

usaki mammi bhi mujhe bahut achchhi lagati thin. haalaanki unhonne kabhi mujhase baat nahin ki. vah sharmila ko tiphin khilaakar chali jaati thi. un donon ki shakl mujhe abhi tak hu-ba-hu yaad hai. agar main bataane lagun ki sharmila aur usaki mammi ke baad kab kab kaun mujhe achchha laga aur kisane-kisane mujhe aakarshit kiya – kahaan-kahaan meri bhaavanaen atakin to aap hansenge. mera majaak udaenge.

darasal aap sach ka majaak udaenge. lekin kai log aise bhi honge jinhen mera yah kubulanaama padhakar himmat bandhegi aur ve apana kaleja tatolane lagenge. unake saamane bhaanumati ka pitaara khulane lagega. main galiyon, sadakon ya baajaar mein ghum raha hota hun to kabhi-kabhi mahilaon ko dusari hi najar se dekhata hun. vah aise ki are ye kitana hansate-bolate masti karate, ya phir kisi baat par chinta-magn phikr karate hue akele ya saheliyon ke saath ya phir pati bachchon aur parivaar ke any sadasyon ke saath chali ja rahi hain. lekin jab kamasin thin to kisi se prem karati thin… prem-patr likhati thin… usake lie roti-gaati thin. usi ke saath jivan-bhar saath rahane ke sapane dekhati thin.

Poori kahani Janne ke liye hamare saath yunhi jude rahiye aur apni rai comment box me aavshya dein…!!

 

News Reporter

Leave a Reply